Thawhlehnaniropuia hla thar 'Thihna Nunrawng'

Thawhlehnaniropuia (Puipuia) chuan a hla thar 'Thihna Nunrawng' a ti chhuak a, a official YouTube channel-ah ngaihthlak theih turin a chhawp chhuak ang.

'Thihna Nunrawng' hi ama phuah a ni a, chhungkuaa lusun tawh te, nu leh pa, u leh nau bakah pi leh pu chan tawh zawng zawngte tana a phuah a nih thu Vanglaini a hrilh.

He lei ninawm tak hi bo tawh sela, vanram nuamah lungduhte nena inhmuh khawm a chak tawh thu a puan chhuahna hla a ni.

Music hi Kima Chhangte siam sak a ni a, lyric video-in a tichhuak dawn a, hei hi Tea video production buatsaih sak niin A16 studio-a a record a ni thung.