John Mayer-a'n No.1 a hauh

American singer John Mayer chuan a hla hit 'I Guess I Just Feel Like' hmangin a vawi khat nan Rock Digital Song Sale chart-ah No.1 a hauh. Hetih rual hian Best Hot Rock Song chart-ah pawh a vawi khat nan dinhmun sang ber a luah bawk a, fans tan pawh chanchin lawmawm tak a ni ngei ang.

John Mayer hian nikum October thla khan 'I Guess I Just Feel Like' hi a tichhuak a, tun hnai khan a lyrics video a tichhuak leh bawk. A hla hi a hit hle a, US-ah ringawt pwh mi maktaduai 3.8 zetin an stream niin Nielsen Music chuan a tarlang. Chart hrang hrangah pawh a che ṭha hle a, Rock Digital Song Sale leh Best Hot Rock Song chart-ah phei chuan No.1 a hauh ta hial a ni.

Kum 41 mi lai ni ve tawh 'New Light' singer hian 'Moving On and Getting Over' hmangin chart-ah dinhmun sang a lo luah tawh a, Paper Doll leh You're Gonna Live Forever in Me te chu an thleng sang viau bawk.