Maren Morris album 'Girl' a hit

American singer Maren Morris chuan March 8 khan a studio album pahnihna 'Girl' chu a tichhuak a, a hit nghal hle. Morris album thar hi Columbia Nashville kaltlangin tichhuah a ni a, hla 10 a awm a ni.

'My Church' singer Maren Morris hian album a tichhuah tur chungchang hi social media lamah a lo sawi lawk tawh a, rei pawh rial loin a tichhuak zui ta a ni. A album tharah hian Brandi Carlile leh Brothers Osborne-te a tawhpui a, hei hian ngaihven a hlawh phah hle bawk.

Kum 28 mi Morris hi nikum khan country singer-songwriter Ryan Hurd nen an innei a, music khawvelah a thawm a reh zui mai dawn emaw tih hnuih album thar nen a rawn inlar ta zawk a ni.