Facebook-in music lamah huang zauh zel

Facebook chuan music lamah huang an zauh zel a, ram 40 zetah an inzar pharh tawh. Tun hnai khan India leh Thailand-ahte music license an pechhuak leh ta a, India bikah hian music label pathum te nen inremna an ziak niin an tarlang.

Facebook hian ram hrang hranga music label-te nen inremna siamin, rimawi lamah huang nasa takin an zauh a a ni. Company chuan music license hi nikum April thla aṭang khan an pechhuak a, a tirah chuan US, UK, Germany, France, Sweden, Australia leh New Zealand-ah te bul ṭan a ni. Nikum chhhung khan ram 15-te nen inremna an siam a, tunah chuan ram 40 zetah an inzar pharh tawh a ni.

India leh Thailand te chu inremna an siampui hnaivai ber niin, India bik­ah hian T-Series, Zee Music Com­pany leh Yash Raj Films te chu inremna an siampui a ni. India-ah hian tunhnai khan music strea­ming service Spotify chu tlangzarh a lo ni tawh bawk.