Kylie-i'n India lam a hawi

Khawvela billionaire ni thei naupang ber Kylie Jenner chuan India ramah apparel collection a tlangzarh dawn niin khawthlang media-te chuan an tarlang.

Kendall Jenner chuan hemi chungchang hi tun hnai khan sawi chhuakin, Kylie Jenner hmachhawp zingah India pawh a tel thu a tarlang a ni. Mihring tamna India ramah sumdawnna huang zauh a tum hi thil awm tak pawh a ni a, a thleng dik a nih pawhin a mak lo ang.

Kum 21 mi Kylie Jenner hian 2015 khan Kylie Cosmetics a din a, 100% neitu nihna a nei a ni. Hei vang hian a duh lam lam a hawi thei a, India-ah pawn inbenbel tumin hma a la mek. Kylie leh Kendall te hian Forever 21 India collection pawh tun hnai khan an lo launch tawh a a ni.

American reality star Kylie Jenner hi Forbes Magazine chuan tun hnia khan khawvela billionaire ni thei naupang ber a nih thu a lo puang tawh a, a sumdawnna vanga he dinhmun thleng thei hi a ni. Kum 2018 chhung khan Kylie Cosmetics aṭang hian $mtd 360 zet a lalut a, a hausakna pawh $tld 1 zet a kai ta a ni.