Anne-Marie album thar tur leh Nathan Dawe

English singer Anne-Marie chuan a album pahnihna turah DJ Nathan Dawe nena an hla a awm nual dawn tih a sawi.

Don't Play hitmaker kum 30 mi Anne-Marie hi KISS Breakfast with Jordan & Perri-ah a inlan a, hetah hian Nathan Dawe nen hla eng emaw zat an siam dun thu sawiin, chung hlate chu a album tihchhuah leh turah dah a ni dawn tih a sawi a ni.

Anne-Marie hian Niall Horan nena an thawhdunna hla pawh a tichhuak ṭep tawh nia tarlan a ni a, One Direction star nen hian golf an ngaina dun hle tih leh hla pawh pathum lai an phuah dun tih a lo sawi tawh bawk.

British singer lar hian kum 2018 khan a album hmasa ber 'Speak Your Mind' chu a lo tlangzarh tawh a, a hit hle a, UK Album Chart-ah topper a nihpui nghal thei a ni.

A studio album pahnihna tur chungchang hi chiang takin a la sawi lang lo a, album title tur leh tlangzarh hun tur pawh a la sawi lang lo.