Drake-a'n record a siam leh ta

Canadian rapper lar Drake hian mi bik a nih zia a lo pholang fo tawh a, record pawh a siam hnem ta viau mai. Tun hnai khan a studio album pahnihna 'Take Care' hmangin, Billboard Top R&B/Hip-Hop Album chart-ah a zawna lang rei ber record a siam leh ta.

R&B/Hip-Hop Album chart-ah hian ṭum 186 zet a lanna a ni tawh a, American Kenny G record (185) chu a khum a ni. Kenny G hian 'Breathless' hmangin hun rei tak chhung chu 'ber' nihna hi a lo hauh tawh a, Drake hian a rawn khum ta a ni.

Canadian fachuam Drake hian kum 1965 aṭanga tichhuah Top R&B/Hip-Hop Album chart-a record siam tur hian kum 10 dawn a hmang a, hei hian a nep loh zia a tarlang chiang hle. 'Take Care' hi November 2011-a tichhuah niin, tun thengin album 'hit' berte zinga mi ala ni reng. He album hmang hian 2012 khan Top R&B/Hip-Hop Album chart-ah a vawi khat nan No.1 a kai a, Grammy Award a dawn hmasak ber (Best Rap Album) pawh 'Take Care' album hmanga a lak tho a ni.

Top R&B/Hip-Hop Album chart-ah hian Drake leh Kenny G bakah, J. Cole leh Eminem-te chu record nei ṭha an ni a, Kendrick Lamar, 2Pa leh The Weeknd-te an lang ve bawk.