Sridevi lema chang tur Vidya Balan

Mi ropui dangte ang bawkin Bollywood superstar Sridevi Kapoor chu a thih hnuah a pualin film siam a ni dawn a, a changtu tur ṭhenkhat pawh puan a ni tawh. Chung zingah chuan Vidya Balan hming pawh a lang a, ani hi Sridevi lemah a chang dawn a ni.

Kum 40 mi Vidya Balan hi Sridevi nena inṭhian hnai tak an ni a, film pawh an lo changdun tawh ṭhin. Kum 2008-a tichhuah 'Halla Bol' leh 2013-a tlangzarh 'Bombay Talkies' ahte khan an changdun a, mimal tak pawha inhre chiang tak an ni.

'Kahaani' star Vidya Balan chuan, "Sridevi biopic-ah hian ka inlan a nih chuan ka lawm hle ang. Chutih rual chuan Sridevi kha ka ui hle a, amah thlahna pual a ni ang," tiin, a ngaih ropui thu a sawi.

Legendary Bollywood actress Sridevi Kapoor hi nikum February khan Dubai-ah lungphuchawlin a thi a, hetih lai hian kum 54 mi a ni. Kum 12 mi lek a nihin lemchan khawvelah a zuanglut a, film pawh a chang hnem hman hle. Chung zingah chuan - Mawaali, Tohfa leh Mr India leh Zero-te pawh a tel a ni.