Paris Jackson a talbuai?

Michal Jackson-a fanu Paris Jackson chuan tun hnaiah fan-te tana chanchin hriat nuam lo tak a nei a - intihhlum a tum niiin an sawi. Hemi chungchangah hian insawifiah bawk mah se, a nunah harsatna eng emaw tak a neiah mi tam tak chuan an ngai a ni.

Kum 20 mi Paris Jackson hi Inrinni zing khan hospital-ah dahluh a ni a, a chhan pawh intihhlum a tum vang niin Los Angeles police-te chuan an sawi. Hei hi social media lamah nasa takin a darh a, amah pawh a insawifiah chul a ni.

American actress chuan, "Dawt puar paw leng a ni, engmah hlauh­thawn tur a awm lo," tiin a sawi. Mahse hei hian mipui rilru a hmin zo chuang loa, a chanchin ngaihventu an ṭhahnem hle. Jackson hi Hospital-ah chuan a lut ngei a, a hnu lawkah chhuah tir leh nghal a ni. Hospital-ah hian accident vanga lut niin ṭhenkhat chuan an tarlang a, thu chiang erawh hriat tur a awm lo.

Paris Jackson hi tun hnaiah a pa Michael Jackson chungchang avangin rilru lamah har­satna a tawk niin an sawi a, hemi chungchangah hian inrawlh a tum loh thu sawi mah se a nunah nghawng lian tak a nei ni ngeiin a lang. Nikum December thla pawh khan Rehab-ah hun eng emaw chen a lo inenkawl tawh bawk a ni.