Ringo Starr-a'n album a buaipui leh mek

July thla hian kum 79 a tling tawh dawn a, music khawvelah erawh tleirawl thaza an sawi ang mai a la ni. English singer Ringo Starr chuan tun hnai khan album thar a buaipui leh mek thu hi a sawi a, a tawpna tur a ni leh nih loh erawh a la sawi thei lo cheu!

Ringo Starr hian thla khat vel kalta aṭang khan recording studio a luhchilh leh tawh a, a beih ngawrh viau a ni awm e. Sound recording engineer Bruce Sugar chuan Ringo leh All-Starr Band guitarist Steve Lukather te nena studio chhunga an thlalakho chu Facebook lamah a tarlang a, album an buaipui mek tih a lo sawi lang ve tawh bawk.