Bangalore Fashion Week-ah Nunui Rualhleng

Mizo model Nunui Rualhleng chu Bangalore Fashion Week (BFW)-ah a inlan a, designer ṭha ber ber kutchhuak a inbel. BFW-ah hian India rama top designer te an fuankhawm a, model pawh a ṭha ber ber an inlan. Designer zingah hian - Swapnil Shinde, Priya Kata Puri leh Ramesh Dembla te chu a lar zual an ni a, Abhishek Dutta pawh a la awm cheu bawk.

Heng mite kutchhuak hi Nunui hian a inbel a, designer 16 zet tan a walk a ni. Fashion House Lian pahnih - Meeraj leh Finesse Inc. tan a walk bawk a ni.

Nunui hi designer mi pali ten Show Stopper atan an hmang a, April 3 khian Mumbai base 'Design House Lian Meet Shilpan' brand launch-naah a inlan dawn bawk. Hei mai hi a la ni lo - tun thla tawp lam hian Sri Lankan Vogue Magazine tan photoshoot a nei dawn a, Diamond company lian Caratlane tan photoshoot a nei dawn bawk.

May thla tir lam khian Leela Palace-ah Bangalore Fashion Extravaganza a awm dawn a, he hunah hian a tel dawn bawk a ni.

Bangalore Fashion Week hi a ṭum 10 nan Oterra Hotel-ah neih a ni a, mipuiin an hlut hle a ni.