Hello Hall of Fame Award sem a ni ta

Kawng hrang hranga mi hlawhtlingte hnena an hlan ṭhin Hello Hall of Fame Award chu sem a ni leh ta a, award dawngtu zingah Bollywood star an tam hle.

Ranveer Singh chu Super­star of the Year atan thlan a ni a, Aishwarya Rai Bachchan kutah 25 Years of Excellence In Cinema award hlan a ni. Reena Kallat chu Artist of the Year atan thlan a ni a, Amish Tripathi chuan Literary Excellence award a dawng thung.

Hello Hall of Fame Award dawngtu zingah hian Dr. Swati Piramal pawh a tel a, Business Leader of the Year atan thlan a ni. 'Uri : The Surgical Strike' star Vicky Kaushal chuan Outstanding Talent chawimawina a dawng a, Javed And Shabana chuan Timeless Icons In Indian Cinema award a dawng thung.

Sonam Kapoor chu Path-Breaking Performances of the Year niin, Ayushmann Khurrana kutah Popular Choice Award hlan niin, hmeichhe lamah Katrina Kaif chuan he chawimawina hi a dawng thung a ni.

Fashion lamah Gaurav Gupta a langsar a, Excellence In Fashion award a la. Farhan Akhtar chu Most Stylish Man of the Year atan thlan niin, Lakshyaraj Of Mewar chuan Con­tribution To Heritage a la thung. Award ngaihhlut Lifetime Achievement chu Sharmila Tagore kutah hlan a ni bawk.