Zaninah Fakmawia Fanai Music video thar

Fakmawia Fanai official music video hmasa ber chu zanin hian Zonet-ah tih­chhuah a ni dawn. A hla hi 'I Hmangaih Ber' tih a ni a, Faith Lalduatmawii phuah a ni.

Fakmawia Fanai single tharah hian Mizo Dance Camp (MDC)-te hmuh tur an awm dawn a, lam hmuhnawm tak an entir a ni. Video hi Francis Zorinsanga (Francister GFX) kutchhuak a ni a, recording hi Moosse Station siam sak a ni thung.

Fakmawia Fanai hian Daduhi'n mawi tak a lo sak tawh 'Sakhmelmawi' tih hla a lo cover tawh a, tunlai zaithiam zingah chuan beisei awm ber pawl a ni. Tleirawl ten a aw an ngaihzawn rawn a ni a, music video a puitlin ta hi a lawmawm hle a ni.

Fakmawia Fanai hian Faith Lalduatmawii hla tho 'Lungdumtu' tih chu a lo sa tawh a, a phuahtu nen hian an zaidun a - YouTube lamah pawh en tur a awm a ni.

Fakmawia Fanai music video hmasa ber hi Music Domain Mizoram (MD) Library-ah dahluh niin, YouTube lamah pawh hmuh tur a awm thuai dawn a ni.