Artist of the Year Maren Morris leh Thomas Rhett : Entertainer of the Year Luke Bryan

Academy of Country Music Awards vawi 56-na chu khawthlang ram huna Pathianni zanah khan sem a ni a, Maren Morris leh Thomas Rhett-te chuan Artist of the Year Award an dawng a, Luke Bryan chu Entertainer of the Year-ah thlan a ni bawk.

ACM 2021 hi Nashville-a Grand Ole Opry House, Ryman Auditorium leh Bluebird Café-ahte sem niin, Keith Urban leh Mickey Guyton-te chuan an host a ni.

Award dawngtute chu...
Chris Stapleton album 'Starting Over' chu Album of the Year-ah thlan a ni a, Female Artist of the Year Marren Morris hian kumin ACM-ah hian nomination a hmu tam ber a, Jimmy Robbins, Maren Morris leh Laura Veltz-te nena an sak ho 'The Bones' chu Song of the Year-ah thlan a ni bawk.

Group of the Year chu Old Dominion an ni a, tunlaia lar tak Dan + Shay-te chuan Duo of the Year award an hum haw a ni. Carly Pearce leh Lee Brice-te hla 'I Hope You're Happy Now' chu Single of the Year-ah thlan a ni a, New Female Artist of the Year chu Gabby Barrett niin Jimmie Allen chu New Male Artist of the Year-ah thlan a ni thung.

Kane Brown 'Worldwide Beautiful' chu Video of the Year-ah thlan niin Single of the Year award dawngtu Carly Pearce leh Lee Brice 'I Hope You’re Happy Now' chu Music Event of the Year a ni leh bawk.

Performance lam
Kumin ACM-ah hian Country singer lar tak tak an perform tam hle a, chung zingah chuan Miranda Lambert leh Elle King zai dun te, Lady A, Alan Jacson, Maren Morris leh Ryan Hurd-te'n an hla hit 'Chasing After You' an sak dun bakah Eric Church performace-te pawh sawi hmaih a uiawm.

Brad Paisley pawh inlanin Jimmie Allen nen 'Freedom Was a Highway' thiam takin an sa a, Miranda Lambert, Jack Ingram leh Jon Randall trio te, Blake Shelton baklah Keith Urban performance-te pawhin mit leh beng an titlai hle.

Luke Combs chuan 'Forever After All' a sa a, Dan + Shay-in 'Glad You Exist' an sak bakah Little Big Town-te pawhin 'Wine, Beer, Whiskey' an sa bawk. Anni bakah hian Country singer lar tak tak inlan an ṭhahnem hle.

Carrie Underwood zai a ngaihnawm
American Idol hial pawh lo ni tawh Carrie Underwood chuan Mizo rilrem zawng tak tak tur, Pathian fakna hla eng emaw zat a rawn medley a, Mizo-te tan chuan performance ngaihnawm ber a ni hial ang.

A gospel album thar 'My Saviour'-a hla vek rawn sain Amazing Grace hmangin bul a ṭan a, Great is Thy Faithfulness-in chhunzawmin chumi hla a sak lai chuan CeCe Winans-in a rawn zawm a, ani nen hian Great is Thy Faithfulness sa zoin, The Old Rugged Cross-a an chhumzawm hnuah Underwood chuan 'How Great Thou Art' hmangin a zai ropui takin a titawp a ni.