PC Lalruatmawia hla thar Hmana Ka Di

'I Ṭang Bei Leh Nan' tih hla thiam taka cover-a music video lo tichhuak tawhtu PC Lalruatmawia chuan hla thar 'Hmana Ka Di' a tichhuak dawn.

'Hmana Ka Di' hi John Mawitea leh Mapuii Fanaite phuah niin, anni hi chu Mizo rimawi khawvelah chuan hriat hlawh tak, an hla eng emaw zat Ṭhazual chart-ahte pawh topper lo ni tawh kha a ni a, chumi avang chuan 'Hmana Ka Di' pawh hi hla nalh tak a ni ang tih a rinawm. Lalruatmawia hian a hla thar tur music leh recording hi Kimtea Varte (Pasalṭha Zakim) kut chhuak a ni.

Mizo contemporary music lam hawi a ni dawn tih Mapuii Fanai chuan sawiin an hla phuah satu PC Lalruatmawia zai chu a vawi khat ngaihthlak aṭanga thiam a tih thu a sawi bawk.

Phullen tlangval, tuna Aizawl Ramthar Venga khawsa mek PC Lalruatmawia hian YouTube lamah a hla cover eng emaw zat a dah chhuak tawh a, ngaithlatu an ṭhahnemin a video ṭhenkhat chu thlirtu nuai chuang an awm tawh a ni.