Zotrek-in Romalsawma leh Vanromawia te lo lawm

Zotrek Adventure Club chuan an member Aizawl aṭanga Siaha thleng ke a kal (trekking) , Romalsawma, Mission Vengthlang leh Vanromawia, Bawngkawn te chu Aizawl tluang taka an lo thlen leh lo lawmna neiin an chhuang takzet tih thuchhuah an siamah an tarlang.

Romalsawma leh Vanromawia-te hi April 6 zing dar 7-ah khan Vanapa Hall kawt aṭangin Zotrek Sr Adviser David Zohmangaiha chuan a vai liam a, ni kaw chhung an kal hnuin April 15, chawhnu dar 2:40 khan Siaha khawpui an thleng a ni.

Zotrek Adventure Club chuan, "Hetianga mi tumruh leh midang fuihna tura Adventure Sport chawisangtute hi Zotrek Adventure Club chuan chawimawi an phuin an chhuanawm kan ti takzet a, tun aia ropui zawk leh lian zawka hma an lak chhoh zel theihnan duhsakna kan hlan mawlh mawlh bawk e," tiin thuchhuah an siamah an tarlang.

Zawhna chhangin Roma leh Vana chuan an kalkawngah duhsakna an dawn nasat thu sawiin, "Khaw hrang hrangah duhsak takin min lo thleng a, kawng dungah pawh duhsakna thilpek kan dawng nual. Tin Siaha leh Lawngtlai MJA-te'n kan phu lohin min lo chawimawi a, kan lawm hle," an ti a, Aizawl an rawn thlen hnuah an hriselna dinhmun a ṭha sawta an hriat thu an sawi.