BTS album thar tur a hit!

South Korean boy band BTS chuan April thla laihawl hian album thar an tichhuak dawn a, a thuin copy maktaduai 2.6 zet an hralh leh der tawh! An album thar tur hi 'Map of the Soul: Persona' tih a ni.

Big Hit Entertainment chuan BTS album hi March 13 aṭang khan pre-booking an ti ṭan tih sawiin, copy 2,685,030 zet an hralh chhuak tawh tih an sawi. Korean album distributor iRiver chuan album hi an zuar chhuak a, hralh a kal rem rem hle a ni.

BTS hian nikum khan 'Love Yourself: Tear' album an tichuak a, an hlawhtlinpui rem rem hle. He album pawh hi release hma hauhin copy maktaduai 2.3 lai an hralh chhuak niin International Federation of the Phonographic Industry (IFPI) chuan an tralang a, 'Map of the Soul: Persona' album hian a khum nghal der a ni.

BTS album thar hi April 14 hian tlangzarh a ni a, hemi hnu hian tour an nei zui nghal dawn a ni. Asia leh Europe khawpui hrang hrang bakah North leh South America-te an hrut dawn bawk a ni.