Rpi Hnamte hla thar 'Mamawh chhanna'

One In Christ aṭanga Zoram mipuiin kan hmelhriat Lalrempuii Hnamte (Rpi Hnamte) chuan hla thar 'Mamawh chhanna' a tichhuak a, nizan khan Zonet-ah pek chhuah a ni.

He hla hi Opa (Tribal Power) phuah a ni a, amah vek hian a lo sa tawh ṭhin. Rpi hian a rawn sa thar ve leh ta a, a music video pawh hian belhchian a dawl hle a ni. Music track hi Three Brothers siam niin, recording hi Studio A16 a ni a - video mawi tak mai hi Mawitea Hauchhum (RDS Shot) kutchhuak a ni thung.

Rpi Hnamte hi 2017-18 term-ah khan One In Christ-ah member niin, hemi hnu hian speaker zuiin rawngbawlna lamah a insawrbing a ni. 'Mamawh chhanna' hma hian 'Tuinung lui' music video a lo tichhuak tawh bawk a, tun hi a pahnihna a ni. A music video thar hi zanin hian Zonet-ah tichuah a ni leh dawn a, MDM YouTube channel lamah pawh en tur a awm thuai dawn a ni.