Paris Hilton a single lo?

Nikum November thla lawk khan Chris Zylka nen an inhualna an titawp a, tunah chuan a single leh tawh lo niin an sawi. Paris Hilton hi tun hnaiah British comedian Jack Whitehall nen an inhnimhnai hle niin khawthlang media te chuan an tarlang.

Paris Hilton leh Jack te hi social media lamah pawh an inchhaih zauh zauh a, hei hian awmzia a neiah an ngai a ni! An ring sual lo - Jack hian Paris Hilton birthday lawm turin US a pan a, an hlim dun hle niin an sawi.

Kum 38 mi lai ni ve tawh Hilton hian party a buatsaih a, he hunah hian Kardashian chhungkua pawh hmuh tur an awm a, mipui mitfukna erawh Jack a ni. Kum 30 mi Jack hian party hi a host a, Hilton nen hian lam te pawh an thai dun niin an tarlang cheu bawk.

Paris Hilton hi American actor Zylka nen nikum January thla khan an inhual a, innei mai tura ngaih an ni. Beisei angin thil a kaltluang lo thung a, nikum vek khan an inṭhen a, an inhualna pawh an tihtawp thu an puang a ni.

Hetiang vel boruak a nih mek laia Jack Whitehall nen sawizawm an ni leh ta hian sawi a hlawh a, an chanchin ngaihventu pawh an tam hle a ni.