Khawvela mipui hlimna ber ram Finland

United Nations-in Nilainia report a tih­chhuahah mi maktaduai 5.5 chenna, Finland chu mipui chengte hlim leh lungawina ber ram, happiest country-ah puan a ni a, he dinhmun hi nikum khan a lo hauh tawh bawk.

Finland mipuite hi ram ngaw leh lui ngaina hnam tia sawi an ni ṭhin a, Nordic ram dang - Netherlands, Switzeland, Canada, New Zealand leh Austria te pawh happiness country thlanaah hian a sang 10 zingah an tel.

March 20 khan UN chuan International Day of Happiness pualin report hi tichhuakin, ram 156 zirchiangin heng rama chengte chu an hlim leh hlim loh chungchangah zawhna hrang hrang zawh an ni a, an dam rei chen te, an sum lakluh leh khawtlang mipui inpuih tawn dante chu tehna atan hman a ni bawk.

Ram hrang hrang zirchian zingah hian South Sudan chu mipuite hlim loh leh lungawi lohna ber ram, unhappiest country-ah thlan a ni thung. South Sudan ram hian hun rei tak tualchhung indona a hmachhawn tawh avangin mi 400,000 vel an thi tawh a, a ram mipuiten ei leh in lamah pawh harsatna nasa tak an tawk reng a ni.