Jennifer Lopez Hla thar a hnai

'On the Floor' singer Jennifer Lopez chuan hla thar a tichhuak hnai leh tawh a, French Montana nen an thawkdun niin an tarlang.

J.Lo hla thar tur hi 'Medicine' tih a ni dawn a, American-Moroccan rapper French Montana nen an sa dun dawn a ni. Hemi chungchang hi J.Lo hian social media lamah tarlangin, "Ka nghakhlel tawh tak zet a ni," a ti a, fans lam pawh lo inring turin a chah. A music video thar tur ami ni awm tak thlalak a tarlang bawk a, a bon leh viau dawn a nih hmel.

Kum 49 mi Jennifer Lopez hi tun hnai khan Alex Rodriguez (43) nen an inhual a, a phur vanglai a ni. J.Lo leh A-Rod-te hi kum hnih chuang an inzui tawh a, innei mai tura sawi rik an ni. J.Lo hna hmasa erawh mo thuam hak lam a ni rih lo a, a hming chherna music khawvelah thawm neih leh phawt a duh a ni.

A music video thar tur 'Medicine' hi a chhuah hun tur tarlan la ni lo mahse a chuak har vakin a rinawm loh.