'Shang-Chi' teaser hmasa ber a chhuak ta

Marvel Asian superhero film hmasa ber tur 'Shang-Chi And The Legend Of The Ten Rings' trailer hmasa ber chu Marvel Studio chuan an dah chhuak ta a, Marvel fan-te tan chuan a phurawm tawh hle ang.

'Shang-Chi And The Legend Of The Ten Rings' hi Scarlett Johansson channa 'Black Widow' tlangzarh a nih hnua MCU film tlangzarh hmasak tur a ni dawn a, September 3-a tlangzarh hman an tum.

Trailer aṭanga a lan dan chuan khawchhak lam hmel kan hmu tam dawn tih a hriat theih. Simu Liu, Awkwafina, Tony Leung, Michelle Yeoh leh Fala Chen-te inlanna tur MCU film thar tur hi MCU Phase four film hmasa pawl tak tur a ni.