'Friends' Reunion show-ah Justin Bieber?

The Sun chuan Pathianni khan 'Friends' Reunion show-ah Justin Bieber a inlan ve dawn niin an tarlang tlat mai!

Bieber hian role pawimawh tak erawh a chang dawn lem lo a, cameo-in a inlan ve mai dawn a nih hmel a, show producer-te chuan hemi atan hian Bieber hi an be fel tawh nia tarlan a ni bawk.

Canadian pop star hi Spudnik potato costume inbelin HBO Max special-ah hian a inlan dawn niawm tak a ni. The Sun chuan ,"Justin chuan a inlan ve thei chu lawmawm a ti hle a, thawm-hnaw nuihzatthlak tak hak pawh pawi a ti lo a ni," tiin an thudawnna sawi dan an tarlang.

'Friends' Reunion show-ah hian David Schwimmer, Jennifer Aniston, Courteney Cox, Lisa Kudrow, Matthew Perry, leh Matt LeBlanc-te chu an inlan leh vek beisei a ni a, kar hmasa lamah khan production pawh an ṭan tawh niin khawthlang media ṭhenkhat chuan an lo tarlang tawh bawk.

He show hi nikum kum laihawl vela tihchhuah tura ruahman kha ni mah se Covid-19 hripui leng vangin an tikhawtlai zel a, tunah erawh hma an la ṭan tak tak tawh niin a lang a, Friends fan-te chuan phur takin an en theih thuai a rinawm.