Mad Max spin off Furiosa New South Wales-ah an chang dawn

New South Wales premier Gladys Berejiklian chuan Sydney-a thuthar thehdarhtute a kawmnaah hemi chungchang hi sawi chiang tawhin an state-a film chan tur zingah chuan a la hautak ber dawn tih a sawi bawk.

Furiosa hi George Miller-in a direct dawn a, Fury Road-a Mad Max nen an thawhdun hma daiha thil thleng anga chan tur niiin The Queen's Gambit star Anya Taylor-Joy chu Furiosa lemah a chang dawn tih tihchian a ni tawh a, a chang thiam leh dawn tih a hriat sa a, a hmuhnawm ngei ang tih pawh a rinawm.

He film-a chang tur zingah hian Thor actor Chris Hemsworth hming pawh a tel dawn tih a chiang tawh bawk.

Anya hian 'Mad Max: Fury Road''-a Charlize Theron-in hnehsawn taka a lo chan tawh Furiosa lem chu a chang dawn a, a la naupan deuh lai lemah a chang dawn a ni. Hemsworth chu Dementus lemah a chang dawn a, Pretorian lemah Yahya Abdul-Mateen II a chang dawn bawk.