Hontrade International Ṭhazual Fakna-ah H. Lalremruati a 'mawi' ber

Champhai nula H. Lalremruati chuan a hla thul­khung 'Mawi tawp berin' tih hla ngei mai hmangin Hontrade International Ṭhazual Fakna chart-ah din­hmun sang ber a luah. Maruati hi vawi eng emaw zat a lo mawi tawh ṭhin a, tun ṭumah erawh 'mawi ber' a rawn ni ta a ni.

Mawi tawp berin
Maruati hming sawi tawh chuan rilruah 'Mawi tawp berin' tih a lang ṭhin a, a sak mawi zia sawi nawn a ngai lo. Music video a siam hnuah phei chuan a zai ngaithlak tur a tam leh zual a, tunah phei chuan fakna hla thlan hlawh ber a ni mek.

He hla hi ama phuah a ni nghe nghe a, belhchian a dawl hle a ni.

Mizo Idol star Ma­ruati ­hian 'Mawi tawp berin' music video hi February thla khan a tichhuak a, Ṭhazual chart-ah hmun pawimwh a chang nghal. Thla khat a vei meuh chuan No.1 a hauh a, a zai ngainatu an tam hle tih a lang.

Tun ṭumah hian Lal­remruata Fanai chuan 'Krista Thisen' tih hla hmangin pahnihna a hauh a, Peter Lalnunpuia chuan a dawt. Chamari West tlangval Petera hian 'Tlang lamah khian'­ tih hla hmangin Zoram mipui min awi mek a, a hla hian thlan a hlawh zui zel.

Mizo Idol star Andrew H. Lalchhandama chuan palina a hauh ve thung a, Zalenna Dar a hlawhtlinpui hle. Zela Chuaungo chu pangana niin, Sangtei Renza leh Lalremruata ten an dawt. Sanga Renthlei, Lalchhuansanga leh Lalrempuii Hnamte-te chu top 10-ah an inhlangkai bawk.

Rpi Hnamte hian tun hnai khan 'Mamawh chhanna' music video a tichhuak a, thlan a hlawh chho hle. He hla hi Opa Tribal Power phuah niin, Rpi hian a sa nalh hle a ni.