Lunglei naupang Esther Hnamte zai PM-in a tweet

2nd November, 2020

Prime minister Narendra Modi chuan Lunglei hmeichhe naupang kum 4 mi, Esther Hnamte-in 'Maa Tujhe Salaam Vande Mataram' a sak music video chu a tweet.

Esther Hnamte zai hi chief minister Zoramthanga'n a tweet hmasa a, lawm a hlawh hle, chu chu PM Modi hian lo retweet ve lehin India ram laili lama awmte pawhin an lawm hle a, comment leh like a pung chak hle a ni.

October 25 khan Esther Hnamte music video hi a YouTube channel-ah dah a ni tawh a, ni ruk chhung lekin mi nuai ruk chuangin an thlir hman der a, hnamdang reaction video pawh hmuh tur a awm nghal nual bawk.