GMA Dove Awards for King & Country an che ṭha

51st Annual GMA Dove Award winner chu Zirtawpni zan khan puanzar niin, Australian Duo Joel leh Luke Smallbone-te band for King & Country chu an che ṭha hle a, Artist of The Year award an dawn bakah Short form video of the year pawh an dawng a ni. for King & Country bakah hian Tauren Wells, Tasha Cobbs Leonard, Selah, Hillsong Worship, Skillet leh  Elevation Worship-te pawhin award pahnih ṭheuh an dawng bawk.

Mainstream artist zingah Dolly Parton leh Kanyw West-te pawhin GMA Dove Awards-ah hian award an dawng a, Parton hian for King & Country a thawhpuina  'God Only Knows' vangin Short form video of the year award a hum haw thei a, Kanye West chuan 'Follow God' hmangin rap/hip hop recorded song of the year award a dawng a ni.

Osinachi Kalu Okoro Egbu hla phuah 'Way Maker' chu Song of the year atan thlan a ni a, Zach Williams chuan Songwriter of the year (artist) a dawng bawk.