Box Office : Captain Marvel ngam loh 'Us'

Captain Marvel chuan Box Office-ah ngam loh a tawng ve ta a, mystery/thriller film chhuak thar 'Us' chuan a nek chhuak.

Us hian $mtd 71 zet lalutin dinhmun sang ber a luah a, Captain Marvel ($mtd 34) chu pahnihna-ah a tla tla ve thung a ni.

Captain Marvel hian a zawnin kar hnih chhung chu sum lalut hnem ber dinhmun a lo luah tawh a, tun hnaia film chhuak thar zingah chuan en hlawh ber a ni. Box Office-ah a sum lakluh tlahniam bawk mah se khawvel hmun dangah hralh a kal a, sum pawh a hailut hnem rem rem hle.

Us a ropui
American filmmaker Jordan Peele kutchhuak Us hi March 22 khan - Brazil, Germany leh USA-ah te release a ni a, rin phak bakin a che ṭha. North America-ah bik hian tun weekend chhung ringawt khan $mtd 71 zet a lalut a, a aia sum lalut hnem an awm loh bakah, Captain Marvel hial a khum a ni.

He horror film hi kumina film chhuak tawh zingah chuan tlangzarh kara sum lalut hnem ber dawttu a ni nghal bawk a, a tluk loh hi Captain Marvel bawk a ni. Us hian khawvel hmun hrang hrang aṭangin $mtd 123.4 zet a laut a, dahniam chi rual a ni lo.

Wonder Park
Tun hniah animation film chhuak thar a awm a, chu chu Wonder Park a ni. He film hi March khan tichhuah a ni a, Box Office-ah $mtd 8.7 laltuin pathumna a ni. Five Feet Apart leh How to Train Your Dragon : The Hidden World-te chuan dawtin top 5-ah an inhlangkai ve bawk.

A Madea Family Funeral chu parukna a ni a, No Manches Frida 2 chu pariatna a ni. Top 10-ah hian Gloria Bell, The LEGO Movie 2 : The Second Part leh Alita: Battle Angel-te chu an lang ve bawk.

Box Office Top 10
1. Us - $71
2. Captain Marvel - $34
3. Wonder Park - $8.7
4. Five Feet Apart - $8.5
5. How to Train Your Dragon : The Hidden World - $6.5
6. A Madea Family Funeral - $4.4
7. No Manches Frida 2 - $1.7
8. Gloria Bell - $1.6
9. The LEGO Movie 2 : The Second Part - $1.1
10. Alita: Battle Angel - $1