World Photography Award dawng thei tur puang

Sony World Photography Award chu April 17 khian sem a ni leh dawn ta a, award dawng thei tura chawp­chhuahte hming pawh puan a ni ta.

Nominee zingah khian khawvela photographer hriat hlawh ber berte, professional leh la zir mekte an lang hlawm a, an kutchhuak hrang hrangte pawh tichhuah nghal a ni. Category hrang hrang a awm bakah, Photographer of the Year thlan a ni dawn bawk a, ngaihven a hlawh hle a ni.

Trent Mitchell, David Behar, Marta Moreiras leh sports photographer lar Thomas Nielsen-te chu award dawng tura rinkai niin, Chinese chhuanvawr Liang Fu a khan viau bawk. April 17-ah result hi London khawpuiah puan a ni ang.

April 18 aṭangin Sony World Photography Award Exhibition a awm zui dawn a, hetah hian nominee-te kutchhuak hrang hrang hi pholan a ni ang. Hei hian May 6 theng a awh dawn a ni.