Keira Knightley Film siam lam a tui thar

British actress lar Keira Knightley chuan film siam lamah a tui thar thu a sawi chhuak mauh mai. "Engtik ni-ah emaw chuan film director ka la nih ve ngei ka beisei a, ka inzir chho mek a ni," tiin, intervew-ah a sawi.

'Pirates of the Caribbean' star hian hemi chungchang hi tun hnai khan a sawi chhuak a, film industry chu nuam a tih thu a sawi uar hle. Kum 33 mi chuan, "Film director ṭha ber ber ka lo thawhpui tawh ṭhin a, a hnen aṭangin thil tak tak ka zir chhuak tawh a ni. Film siam hi ka tuipui em em a, engtik ni-ah emaw chuan director te pawh ka la ni ve mahna," a ti a, script ziah thlenga a tupui thu a sawi bawk.

Hetih rual hian fa kum thum mi a pawm mek a, a duh lam hawi thei a la nih rih loh thu a sawi bawk. Keira Knightley hian film ṭhahnem tak a lo chang tawh a, British actress zingah pawh sulhnu nei ṭha berte zinga mi niin, film director nih a chak thu a sawi pawh hian ngaihven a hlawh hle a ni.