‘How I Met Your Father’ : lam ve thung aw

CBS comedy 'How I Met Your Mother' hmuhnawm zia leh hlimawm zia sawi nawn a ngai lo, Mizo ṭhalai tam tak pawhin kan hlimpui a nih kha. Tunah hian a spinoff ‘How I Met Your Father’ siam turin hmalakna a awm mek a, a changtunu tur pawh a hriat tawh.

A changtunu tur chu kum zabi 21-na tir lama tleirawl lar tak ni ṭhin, tunhnaia thawm nei ring lem lo tak Hilary Duff a ni dawn.

He series thar tur hi Isaac Aptaker leh Elizabeth Berger-te chuan an siam dawn a, Hulu streaming platform aṭanga en theihin an siam thung dawn a ni. Series 10 an siam phawt dawn nia tarlan niin, Hilary Duff hi Sophie lemah a chang ang.

He series thar turah Ted Mosby ang tho khan Sophie chuan a fapa hnenah a pa nena an intawn dan a sawi dawn a ni.

Duff hi producer zingah a tel nghal dawn a, 'How I Met Your Mother' siamtu Carter Bays leh Craig Thomas-te pawh executive producer an ni leh dawn bawk.

Hulu Originals and ABC Entertainment president Craig Erwich chuan 'How I Met Your Mother' kha TV-a comedy ngainatawm ber zinga mi a nih bakah thil thlak danglamtu a nih thu a lo sawi a, Carter leh Craig-te'na an lo siam tawh version thar Isaac leh Elizabeth-te'n an siam tur chu a phurawm tawh a tih bakah Hilary, a role apiang hnehsawh taka chang ṭhin an thawhpui tur chu phurawm a tih thu a sawi.