Marvel ‘Secret Invasion’-ah Emilia Clarke?

'Game of Thrones' star Emilia Clarke chu Marvel ‘Secret Invasion’-ah a chang dawn a, Marvel Studio chuan Emilia Clarke nena inbiakna an kalpui mek tawh chu a hmawr an bawk ṭep tawh niin Variety chuan a tarlang.

Disney Plus series thar tur ‘Secret Invasion’-ah hian GOT star hi a inlan ngei dawn a nih hmel a, mahse eng 'role' nge a chan dawn tih erawh tarlan a la ni lo. He series-ah hian Samuel L. Jackson, Ben Mendelsohn, Kingsley Ben-Adir, leh Olivia Colman-te nen an chang ho dawn nia tarlan a ni.

Marvel Studio lam chuan hemi chubngchang hi an la sawi chiang duh lo a, hetihlai hian nikum lama he series thar tur chungchanga report lo awm tawhah chuan Nick Fury lemah Samuel L. Jackson a chang leh dawn a, Skrull Talos lemah Mendelsohn chu a chang leh dawn bawk.