KTM 1290 Super Duke RR an hralh zo rang

KTM 1290 Super Duke RR chu tlangzarh a nih aṭanga minute 48 chhung lekin an hralh zo vek.

KTM 1290 Super Duke RR limited edition hi 500 chiah siam a ni a, minute 48 chhungin a vaiin an hralh zo nghal vek a ni. India ramah phei chuan he bike hi chu kan hmu ve dawn lo niin a lang.

Austrian motorcycle company hian an bike limited edition an tihchhuah hi pakhat $30,550-in an zuar nia tarlan niin, hei hi India pawisa chuan Rs 22,73,516 vel a ni a, chumi awmzia chu KTM hian minute 48 chhungin Rs Vbc 112 an lalut hman tihna a nih chu!

2021 KTM 1290 Super Duke RR hi standard KTM 1290 Super Duke R aiin kg 9 velin a zang zawk a, 1:1 power-to-weight ratio-a siam ni bawkin Titanium Akrapovic exhaust system a hmang bawk.

KTM hian an 1290 Super Duke hrim hrim hi India ramah an zuar lo a, mi hausa deuh tu emawin ramdang aṭanga an chah lut a nih loh chuan India rama hmuhna 'chance' a chhe hle a ni.