Samsung Mother's Day Commercial-ah BTS

Samsung Mother's Day campaign #MakeMomEpic-ah rin loh deuhin K-Pop superstar BTS an lang.

Hemi chungchang hi a hmain BTS emaw Samsung lam hian an sawi lang lem lo a, mahse BTS hi Samsung Global Ambassador an nih angin Samsung video-ah hian an inlan fo tawh thung. Samsung Mother's Day commercial hi kar tirah khan tihchhuah a ni a, video tawp dawnah BTS-te hi an rawn inlan a ni.

BTS leh Samsung hi nikum lam aṭangin an thawk dun tawh a, Galaxy S20+ 5G leh Galaxy Buds+ BTS Editions tlangzarh a nih dawn khan thawkdun ṭanin heng Samsung product-ahte hian BTS logo leh an theme-te pawh dah a ni nghe nghe.