Daddy Yankee a ropui

Pedro Capó leh Farruko te chuan Billboard Argentina Hot 100-ah kar riat chhung zet ro an rel hnuah ngam loh an tawng ve ta. Daddy Yankee chu 'Con calma' hmangin No.1-ah a rawn inhlangkai a, Pedro Capó leh Farruko te chu pahnihna-ah a awm ve thung a ni.

Daddy Yankee feat. Snow 'Con calma' hi January khan tichhuah a ni a, Hot 100-ah kar nga chhung zet chu No.2 an hauh. Dinhmun sang ber an luah thei dawn lo emaw tih hnuah an rawn inlar ta nge nge a, Daddy Yankee ropui zia sawi hmaih chi a ni lo.

Puerto Rican singer Daddy Yankee hian Canadian singer Snow thawhpuiin, 'Con calma' hi an tichhuak dun a, a hit rem rem hle. YouTube-ah pawh viewer maktaduai 450 chuang an nei leh der tawh a, hei hian music khawvelah Daddy Yankee tlak nat zia a tarlang chiang hle a ni. A hnampui Luis Fonsi nena 'Despacito' an tichhuah phei chu YouTube-a viewer ngah ber record a ni hial.