HBO Max-in Subscriber a ngah chak

HBO Max chuan kumin chhungin subscriber an ngah chak hle a, subscriber maktaduai 3 lai a neih belh niin AT&T chuan an tarlang.

Nikum kum tawp dawna 'Wonder Woman 1984' an tlangzarh khan subscriber tam tak an neih belh tawh a, kuminah film lian tham tak tak 'Zack Snyder’s Justice League' leh 'Godzilla vs. Kong' te an tlangzarh leh bawk nen, hengte avang hian subscriber tam tak hi a neih belh a ni.

Thla hmasa khan Warner Bros. chuan 'Godzilla vs. Kong' chu HBO Max-a entu ngah ber movie a nih thu an lo sawi tawh a, mahse entu zat tak erawh an tarlang lo.

Nikum March thlaa tlangzarh chauh HBO Max/HBO belhkhawm hian kumin March thla thleng khan an streaming service hmangtu mtd 44.2 an nei tawh a, nikum December aiin mtd 2.7-in an ngah tawh zawk. Nimin lamah khan Mortal Kombat an streaming platform kaltlanga en theih turin tlangzarh a ni leh bawk a, kumin chhunga an platform-a tlangzarh tur film lian tham tak tak an la nei nual bawk nen; HBO Max hian kuminah hian subscriber tam tak a neih belh dawn niin a lang.