Ed Sheeran music thar nen a lo kir dawn?

British singer lar Ed Sheeran chu thla 18 chhung lai thawm a neih tawh loh hnuah music video thar tur a shoot lai hmuh a ni.

The Sun chanchinbu Bizarre column-ah hemi chungchang hi tarlan niin superstar hian shopping centre chungah shooting hi a nei nia tarlan a ni a, a guitar nen a ngai te tea hmuh a nih thu an ziak.

Ed hi South East London-a Catford chungah a guitar nen hmuh a ni a, a fan-te chuan an bawr nasa hle nia tarlan ni bawkin, comeback ropui tak a nei dawn niin an sawi.

Kum 30 mi Ed hi thla 18 chhung vel lai chu thawm a nei tawh lo a, a nupui Cherry Seaborn leh a fanu thar Lyra-te bulah a hun tam ber a hmang niin mi tam tak chuan an ngai. Music video a shoot-naah hian a nupui leh a fanu pawh hmuh an nih tel thu The Sun chuan an tarlang a ni.