Michael W. Smith lehkhabu ziah May-ah

Multi-platinum artist leh Grammy hial pawh lo dawng tawh Gospel singer Michael W Smith lehkhabu ziah 'The Way of the Father: Lessons from My Dad, Truths about God' chu May 18-ah tlangzarh a ni dawn.

Michael hian a lehkhabuah hian a pa Paul Smith chu Pathian hmangaihna entirtu leh amah mai bakah an chhungkaw tana mi entawn tlak a nihzia chungchang te, West Virginia khaw te tak te aṭanga a seilen dan chungchangte leh a pa chanchinte a ziak a ni.

"Ka pa hi ka hero a ni. Tunah chuan Vanramah awm tawh mah se, nitin ka hero a la ni reng ṭhin. A nun, a thusawi leh a ngilneihnate chu pa leh pu ka nihna angin ka hrereng ṭhin," tiin a lehkhabu ziah chungchanga a pain a rilru a hneh dan chungchang a sawi.