‘Captain America 4’ an buaipui ṭan

Marvel film 'Captain America 4' chu tunah hian siam tumin hmalak ṭan mek a ni tih khawthlang media-te chuan an tarlang.

The Falcon and the Winter Soldier' series siamtu Malcolm Spellman chuan 'Captain America 4' hi a siam dawn nia tarlangin, 'The Falcon and the Winter Soldier' staff writer Dalan Musson nen script an ziak dun dawn nia tarlan a ni bawk.

Captain America film hmasa pathuma Captain America lema chang Chris Evans chu a inlan leh dawn em tih a la hriat loh a, The Hollywood Reporter-in a tarlan dan chuan Anthony Mackie-in hneh taka a lem a chan Sam Wilson chanchin a nih zawk a rinawm a, 'The Falcon and the Winter Soldier' chhunzawmna anga siam an tum hmel bawk a ni.

Chris Evans chuan kum 2018 khan Captain America lema a chan chhunzawm tawh dawn loh thu a lo sawi tawh a, twitter lamah kum 8 chhung lai a lem a lo chan tawh chu a chawlhsan dawn ta tih a lo sawi tawh a ni.