Mystical Mizoram Ṭhazual Lengzem : Kimkima 'Ka Damlo' pakhatna a ni

Mystical Mizoram Ṭhazual Lengzem-ah Kimkima pakhatna a ni a, a hla 'Ka Damlo' hmangin chart topper a ni.

Chart topper Kimkima 'Ka Damlo'
Nikum kum tawp dawn lamah khan Kimkima hian 'Ka Damlo' hi a tichhuak a, lyric video ang deuhin a music video pawh siamin a hmuhnawm dangdai hle a, a hla a mawiin a satuin a sa thiam bawk nen, chart topper a ni pawh hi a phu hle.

'Ka Damlo' hian YouTube lamah chuan thlirtu nuai 9 chuang a nei tawh a, nakin lawkah chuan thlirtu maktaduai chuang a nei dawn tih a chiang.

Kimkima hla reng reng hian ngaihthlak a hlawh a, YouTube lamah pawh thlirtu a ngah chak ṭhin hle. Mizo rilrem zawng tak, hla mawi tak tak tichhuak ṭhinin, a music video tihchhuahte chuan rei lote chhungin thlirtu maktaduai chu a nei mai ṭhin. Chumi a nih avang chuan tunah chart topper a ni leh pawh hi a mak lo hle a ni.

Siampuii Ralte hming a lang nawn
Siampuii Ralte chu a hla hit 'Lunglawm Tikimtu' hmangin chart-ah pahnihna a ni a, he hla hmang hian chart topper pawh a la ni vat dawn niin a lang. Pahnihna nih mai hi a la duhtawk loa, Jt Production nena an hla tihchhuah 'Ka Hmangaih te' hmangin chart top 10 a khar bawk.

Top 5-a langte
Jenny Jathang hla mawi tak 'Kaltir Rawh le' chu pathumna a ni a, Grace 10:15 hla 'Kumtluangin' chu palina ni thungin Roluahpuii chuan 'Hlui Ni a Awm lo' hmangin chart top 5 a khar thung.