Google-in India tan Rs Vbc 135 a pe

Google CEO Sundar Pichai chuan Twitter-ah Covid-19 thawh hnihna tuar mektu India chu Covid-19 a dona kawnga ṭanpuina turin Rs Vaibelchhe 135 an pek thu a tarlang.

India rama Google hotupa Sanjay Gupta chuan hmalakna hmasaah chuan hripuiin a nghawng nat zual chhungkuate sum leh pai hmangin an ṭanpui phawt dawn tih sawiin, a thawh hnihnaah chuan UNICEF kaltlangin ṭanpuina hna an thawh dawn thu a sawi.

Microsoft CEO Satya Nadella pawhin Thawhṭanni khan India harsatna tawh chuan a rilru a tihhrehawm hle tih sawiin kawng hrang hrang hmanga India an ṭanpui dawn thu a sawi ve bawk a ni.