Zonet Ṭhazual Award 2020 Nomination puan a ni ta
Hripui leng karah engtin nge award semna ceremony an buatsaih dawn la hriat lo mah se Zonet Ṭhazual Award 2020 boruak erawh a inmung chho mek zel a, tunah chuan nomination pawh hriat theih tawhin rin lawk ang ngeiin nomination hmu tam zual deuhte pawh an awm a ni.
Puanzar lawk tawh angin kumin hian Award semna ceremony hi zan hnih an nei dawn a, Gospel leh Lengzem/Lenglawng category zan hranah sem a ni dawn. Gospel huangchhunga award hrang hrang chu November 12 hian sem a ni dawn a, November 13 zanah Lengzem/Lenglawng huangchhunga award hrang hrang semna neih a ni thung ang.
Hmingte Chhangte lansarhna Gospel
Gospel huangchhungah category paruk a awm dawn a, chung zinga pathum laiah chuan Hmingtea Chhangte hming a lang. Hmingtea hi Best Male Artist, Best Duo leh Best Music Video group-ahte a hming a lang.
Best Female Artist huangah Bethsy, Cindy, Fiona, Grace-i leh Maruati-te hming a intlar thla diah a, huang ngaihnawm a ni dawn tih loh rual a ni lo.
Lengzem huang an intluk tlang
Gospel lam ang lo takin Lengzem lamah chuan Nomination pahnih hmu an awm nual.
Feli Fanai, Zorinzuali Khiangte, Awmtea Polymer, Rpa Ralte leh KR Robert ft. Tuaisiala-te hming a lang nawn nual.
Seraphic Choir chu Gospel leh Lenglawng huanga award la thei dinhmuna ding ve ve awmchhun an ni bawk.