Ṭhazual Fakna: Crosscraft Ft Fiona Pachuau 'Fak Hla Rimawi' ri a mawi
Ṭhazual Fakna chart-ah Crosscraft Ft Fiona Pachuau 'Fak Hla Rimawi' pakhatna a ni a, Pensy 'Vengtu hmangaihna' chu pahnihna niin Grace Lalchhanhimi 'Ka chanchin' chu pathumna a ni bawk.
'Fak Hla Rimawi' a mawi ber
Ṭhazual Fakna chart-ah a lanna a rei tawh a, hma sawn bek bek rengin tunah chuan pakhatna a rawn ni ta. Crosscraft Ft Fiona Pachuau 'Fak Hla Rimawi' hi a mawi a, ngaihthlak a nuam a, music a 'class' a, video hmuh a nuam bawk. Chart hmasaah khan pahnihna a ni tawh a, beisei lawk ang ngeiin tunah erawh pakhatna a rawn ni ta a ni.
'Fak Hla Rimawi' hi Crosscraft guitarist Zosangzuala Pachuau phuah niin Ṭhazual award sem turah pawh Best Songwriter Gospel category-ah nomination a hmu nghal, hei hian a mawi zia a tifiah chiang hle awm e.
He hla hi a bulṭan phat aṭanga ngaithlatute beng fah nghal thei a ni a, Fiona-i zaithiam zia chu Zoram dung leh vang hriat niin Crosscraft music ril tak mai leh Fiona-i aw inpawlh mawi tak maiin Ṭhazual chart-a pakhatna dinhmun a rawn luah hi a mak lo hle.
Pahnihna Pensy, Pathumna Grace
Pensy 'Vengtu hmangaihna' chu palina aṭangin pahnihnaah a rawn invawrh a, Grace Lalchhanhimi 'Ka chanchin' chu palina aṭangin pathumnaah a rawn inhlangkai ve leh bawk a ni.
Top 5-a lang ringawt pawh an ṭha hle a, Amtea 'Engpawh thleng se' chu palina niin Best New Artist ni mai thei dinhmuna ding mek Stacy Punte chu pangana a ni thung.
Fakna chart a ngaihnawm ṭhin
Kristian ram kan ni bawk a, Gospel artist pawh kan nei ṭha ṭhin hle. Ṭhazual Fakna chart-a rawn inlan chin phei hi chu an ṭha rual ṭhin hle a, Zoram mipuiin kan hmelhriat tak takte an ni ziah ṭhin. Tun ṭumah pawh hian Top 5-a inhlangkai hrih lo zingah Cindy Lalthanpuii, Zorinsanga Sailo, Sawmtea, Baby leh Esther Khiangte te an la awm a ni.
Ṭhazual Fakna Top 10:-
1. Crosscraft ft Fiona Pachuau - Fak hla rimawi
2. Pensy - Vengtu hmangaihna
3. Grace Lalchhanhimi - Ka chanchin
4. Amtea - Engpawh thleng se
5. Stacy Punte - Min thlahthlam ngai lo
6. Cindy Lalthanpuii - Hlau suh
7. Zorinsanga Sailo - A hmangaihna aw
8. Sawmtea - Lalpa I chawimawi ang
9. Baby Malsawmtluangi - Ka kawng hruaitu
10. Esther Khiangte feat Felfeli - Kan fak zel dawn