Covid-19 dona atan Akshay Kumar-te nupa pen chhuak

Bollywood superstar nupa Akshay Kumar leh Twinkle Khanna-te chuan Thawhlehni khan social media-ah Covid-19 dona atan oxygen concentrator 100 an pek thu an tarlang.

Twinkle Khanna chuan Instagram-ah hemi chungchang hi sawiin Dr Drashnika Patel & Dr Govind Bankani, London Elite Health-te chuan Daivik Foundation kaltlangin oxygen concentrator 120 an pek bakah anni nupa pawhin 100 an pek ve thu a sawi a ni.

Akshay Kumar hian a hma pawhin cricketer hlui Delhi MLA Gautam Gambhir foundation hnenah hripui dona atan hian Rs vaibelchhe khat a lo pe tawh bawk. Akshay hian April 4 khan Covid-19 a kai tih hriat chhuah a ni a, tunah erawh a dam leh tawh thung.