‘Outer Banks’ star Madelyn Cline leh ICM Partners thawkdun dawn

NETFLIX series hit ‘Outer Banks’ star Madelyn Cline leh US talent and literary agency ICM Partners chuan thawhdunna turin inremna an ziak a, Madelyn Cline hian kawng hrang hrangah ICM Partners ai hi a awh ang.

South Carolina nula Cline hi nikum lama Netflix show ngaihven hlawh ber zinga Outer Banks-ah khan Sarah Cameron lemah a chang a, ngaihven a hlawh phah hle a ni. Outer Banks hi tlangzarh a nih aṭanga thla khat leh a chanve chhung kha chuan Netflix Top 10 list-ah a lang char char a, tunah hian Season 2 pawh an chang zo leh tawh a, kumin chhung hian tihchhuah leh hman an tum bawk a ni.

Madelyn Cline hi lemchan khawvela ngaihven hlawh pawl tak a ni chho a, TV show hlawhtling tak tak Boy Erased, Stranger Things leh Vice Principals-ahte pawh inlanin tunah hian Naomi Watts leh Bobby Cannavale-te bulah 'Once Upon a Time in Staten Island' film-ah a inlan dawn bawk.