BLACKPINK 'As If It's Your Last' One Billion Views Club-ah lawm luh a ni

K-pop superstar Blackpink hi khawvelin a atchilh chho zel dawn niin a lang. Thawhlehni khan an music video “As If It's Your Last" chuan YouTube-ah thlirtu tluklehdingawn chuang a nei der mai! Tunah chuan YouTube lamah music video thlirtu tluklehdingawn chuang nei pali lai an nei ta.

"Kill This Love," "Boombayah," leh "Ddu-Du Ddu-Du"-te hmangin a hmain he mellung pawimawh hi an lo phum tawh a, tunah chuan “As If It's Your Last" hmangin he mellung pawimawh tak hi an phum belh leh ta a ni.

Blackpink hian 'As If It's Your Last' hi June 22, 2017 khan an tlangzarh a, an tlangzarh aṭanga kar khatah Billboard World Digital Songs chart topper ni nghalin he hla hi South Korea-ah ringawt pawh copy maktaduai 2.5 an hralh tling hial.

YouTube lamah hi chuan BTS ai pawhin lawm an hlawh zawk mah niin a lang ta a, BTS chuan video pathum lai music video tld. chuang thllirtu nei an nei tawh a, mahse Blackpink chuan Thawhlehni khan K-Pop act huangchhungah record thar an rawn siam a, K-Pop act zinga video pali lai thlirtu tld. chuang nei thei hmasa ber an ni.

Blackpink hi YouTube lamah hian an tla na zual emaw tih tur a ni hrim hrim a, an YouTube channel chuan subscriber maktaduai 60.5 chuang a nei tawh a, Korean YouTube channel-ah chuan subscriber nei ngah ber an ni a, hmeichhe artist-a YT subscriber ngah ber ni bawkin hetiang renga subscriber an ngah chak a nih chuan rei loteah Justin Bieber pawh an khum vat dawn niin a lang.