'Meet Me In Another Life'-ah Gal Gadot

Catriona Silvey novel 'Meet Me In Another Life' film-a siam turah Gal Gadot a chang dawn.

'Meet Me In Another Life' hi sci-fi rom-com a ni a, Wonder Woman actress a chang dawn tih hi Deadline chuan tarlangin director leh script writer tur erawh an tarlang tel lo.

Catriona Silvey lehkhabu ziah film-a an siam tur 'Meet Me In Another Life' hi Thawhlehnia tlangzarh chauh kha a ni a, mahse lehkhabu review-tu tam tak chuan rating pawh an pe sang nghal hle.

A plot chu hetiang hi a ni- "Thora leh Santi chu ram hrana awm la inhre ngai lo mah nise an vawi khat inhmuhnaah rilru angkhat pu an ni tih an inhre nghal a. Mahse ni rei lote hnuah tawhsual rapthlak an tawh tak avangin an thawnthu chu a tawp ta mai a.

Mahse hei hi inzawmna tam tak an neih zinga pakhat chauh a ni. Orbit-a satellite a tang ang mai hian, Thora leh Santi-te chu intawng leh tura ruat an ni: zirtirtu leh zirlai ang te; caretaker leh damlo thi mai tur ang te; cynic leh believer angtein. Nun hrang hrangah intawngin ṭhian, thawhpui, inngaizawng leh hmelma angte'n an intawng a ni. Mahse inhriatna mak tak an neih ṭhin avang chuan Thora leh Santi-te chuan thutlukna an siam ta- inzawmna mak tak mai an neihna chhan tak chu an nunna hrang hrang tawpna a thlen hmain an zawn chhuah a ngai a ni."