Zorinzuali Khiangte hla thar ‘Zanthiang Lunglen’

Zorinzuali Khiangte chuan Nilaini zanah khan a YouTube channel-ah a hla thar ber 'Zanthiang Lunglen' chu a dah chhuak.

He hla hi tunhma deuha Rebecca Saimawii'n mawi taka a sak tawh ṭhin kha niin, Michelle Varte pawhin tunhnai lawk khan music video a lo siam thar ve bawk kha a ni. Tunah Zorini hian rawn thar thawh ve lehin a YouTube channel lamah duh hun huna ngaithlak theih turin a chhawp chhuak a ni.

Zorini chuan,"He hla hi nalh ka tih em avangin a phuahtute ka va dil a, anniin phal taka min lo sak tir avangin an chungah ka lawm hle a ni," tiin a hla thar tihchhuah chungchang hi Vanglaini a hrilh.

He hla hi C.Thanthuama leh Fakhlena-te phuah a ni a, Zorini hian EME Record lamah recording chu tiin lyric video-in a tichhuak a ni.