June thlaah Maroon 5 album thar

Maroon 5 chuan June 11 hian album thar 'Jordi' an tlangzarh dawn a, he album-ah hian thla hmasa lawka an tihchhuah Megan Thee Stallion an thawhpuina 'Beautiful Mistakes' pawh kha a tel dawn a ni.

‘Girls Like You’ hitmaker hian an studio album pasarihna tur 'Jordi' an tlangzarh hun tur hi Ningani khan twitter kaltlangin an puang a, an website-ah pre-sale option an dah thar bawk.

Maroon 5 frontman Adam Levine chuan thla hmasa khan album thar tur an peihfel vek tawh tih lo sawi tawhin, tlangzarh hun tur la sawi thei lo mah se an tlangzarh thuai dawn tih a sawi tawh a, tunah erawh tlangzarh hun tur a hriat ta a ni.