Host tur Nick Jonas

Billboard Music Awards chu kum thum lai a zawnin Kelly Clarkson-in a host hnuah mi tharin an host ve dawn ta a, chu chu tudang ni loin Bollywood makpa Nick Jonas a ni. Nick Jonas hian Billboard Music Awards hi a la host ngai loa, chutih rual erawh chuan helam kawngah hian tawn hriat la nei lo a ni hauh lo. February 25 pawh khan Saturday Night Live a lo host tawh a, a nupui Priyanka Chopra Jonas nen March 15 khan hneh takin Oscar nomination an lo puang chhuak dun tawh bawk.

Billboard lam hian an music award semna host tur hian artist thlan an hrat hrim hrim a, Clarkson hma hian Ludacris chu host leh co-host lo ni zak zak tawhin kum li lai a lo inlan tawh a ni.